Polonia gjatë 24 orëve të fundit regjistroi 603 vdekje dhe 19.883 raste të reja me COVID-19, shifrat më të larta ditore që nga fillimi i pandemisë, transmeton Anadolu Agency (AA).

Me rastet e reja, 772.823 persona deri tani kanë rezultuar pozitivë për koronavirusin e ri dhe 11.451 të tjerë kanë humbur jetën që nga fillimi i pandemisë, raportuan autoritetet shëndetësore.

Rreth 22.812 pacientë me COVID-19 janë aktualisht nën trajtim në spitalet në të gjithë vendin, me 2.117 pacientë në ventilatorë.

Gjatë ditës së kaluar, 18.601 persona janë shëruar nga sëmundja, duke rritur numrin e të shëruarve në 342.883.

Muajin e kaluar, Polonia, për të frenuar përhapjen e COVID-19, mori masa më të rrepta të tilla si kufizimi i funksionimit të qendrave tregtare, hoteleve, kinemave dhe muzeve si dhe kthimin e mësimit në distancë.